Granvin Ungdomslag engasjerer seg mot kraftliner

Førre veke vedtok regjeringa å bygge kraftliner gjennom Hardanger. Dette vil ikkje Granvin Ungdomslag sitte stille å sjå på.

Tekst: Noregs Ungdomslag

	Trudvang i Granvin

- Alle i bygda er sterkt i mot, og då er det naturleg at ungdomslaget også tek eit klart standpunkt, seier Marit Tveito Askeland i Granvin Ungdomslag. Laget har nett hatt styremøte, der dei har drøfta kva dei kan bidra med i kampen mot kraftlinene.

- Huset vårt, Trudvang er det største forsamlingshuset i bygda og det gjer at både ungdomshuset og ungdomslaget er sentralt i den kommande kampen, seier Askeland. 

Til helga er det gratiskonsert i ungdomshuset for å syne motstanden i høve kraftlinene. Lokale musikarar som mellom anna  Death Academy, Knut Hamre, Jaran Lienig og Bjørnar Kaldefoss Tveite stiller opp på konserten.

- Statsnett har og spurt om dei kunne leige Trudvang til eit informasjonsmøte, og etter litt drøftingar i styret, sa me ja til det. Men me har tredobla husleiga – litt utspekulert må ein kunne vere, avsluttar Askeland.

Peikar til konserten: http://www.facebook.com/home.php#!/event.php?eid=142060669144876

Publisert: 15.07.2010