Teateropplæring i NU

Instruktøropplæring

Opplæringsmodellen i Noregs Ungdomslag avspeglar heile læringsprosessen. Frå teateraktivitet lokalt går ein vidare med regionale og sentrale kurs. Teaterrådet i Noregs Ungdomslag og Teaternemndene i fylkeslaga samordnar og organiserer kurs.

Den grunnleggande opplæringa i teater skjer lokalt i medlemslaga gjennom aktivt teaterarbeid. Mange lokallag skipar sine eigne kurs.

Noregs Ungdomslag har lang erfaring i å tilby instruktøropplæring. Instruktøropplæringa tek utgangspunkt i det teater vi driv i organisasjonen. Gjennom opplæringa vil vi utvikle instruktørar med brei kunnskap og innsikt i aktiviteten i frivillige lag, som vil lære meir og som vågar å stille krav til kvalitet og sjølv å strekke seg kunstnarleg.

Instruktørkurs modul 1 og 2 er i hovudsak praktiske kurs i instruksjon og regi med noko oppgåveløysing og teori. Kursa skal gjennomførast kvart år og ein kan ta modul 1 og 2 i kva rekkefølgje ein ønskjer.

 

Målet med opplæringa er å gje deltakarane eit solid grunnlag for instruktøroppgåva, både med omsyn til å leiarrolla og det teaterfagleg arbeidet.

 

Grunnkompetanse for å starte på opplæringa er eiga teatererfaring. Du må sjølv ha delteke i og gjerne ha hatt noko ansvar i fleire teaterproduksjonar. Det er også ein fordel for deg om du har gått andre teaterkurs.

 

Modul 1 (vår)

Kurset vil ha instruktørrolla som hovudfokus. Deltakarane får kunnskap og øving i å leie og arbeide teaterfagleg med ei teatergruppe, planlegge og gjennomføre øvingar, pedagogikk og eit repertoar av metodar og øvingar for instruksjon og arbeidet med ein produksjon.   

 

Modul 2 (haust)

Kurset skal gje grunnleggande innsikt i å sette historier i scene. Deltakarane får kunnskap både i tekstanalyse og korleis ein nyttar improvisasjon og handlingsbaserte, fysiske metodar for å analysere og sette tekst i scene, eller skape nye historier, tekst eller framsyning.

 

Fordjupingsarena

NU tilbyr fordjupingskurs for påfyll og spesialisering m.a. på fagseminara og instruktørsamlingar.

 

Last ned brosjyre for instruktørkurs 2010