Prisdryss til Dag Vårdal og Arne og Asbjørg Sølvberg
Kvart år deler Norsk senter for folkemusikk og folkedans ut to gjeve prisar i folkemusikk- og folkedansmiljøet. I 2021 vart prisane delt ut under representantskapsmøtet 24. september i Oslo. Vi kan med glede fortelje at NU har medvirka til å nominere inn båe kandidatane til dei to prisane som vart delt ut i haust.
![F.v.: Solveig Brekke Hauknes (folkedansrådgjevar i Noregs Ungdomslag), Dag Vårdal (prisvinnar) og Torbjørn Bergwitz Lauen (leiar i Noregs Ungdomslag). Foto: Kai Roger Vatne](https://cdn.sanity.io/images/jdh5yyt4/production/e39fa2ce6bc8772d0b2e46818fad78d25aa49bba-4032x3024.jpg?auto=format&fit=max&q=75&w=2016)
Fagpublikasjonsprisen gjekk denne gongen til Dag Vårdal! Dag fekk prisen for sitt imponerande arbeid med utgjevinga Samværsdansen i Christiania på 1800-tallet. Verket består av fleire delar med både historie, dansebeskrivingar, notar og musikk. Ta kontakt med oss (eller Kultivator) dersom du ynskjer å kjøpe verket.
Dag har fått mykje merksemd og prisar dei siste åra, seinast som nyutnemnd heidersmedlem i Noregs Ungdomslag i april 2021. Sjå nedst på sida for filmen vi fekk laga i samband med heidersmedlemsutdelinga tidlegare i år.
Les meir hjå Sff om prisen her.
Prisen for folkemusikk og folkedans gjekk i år til Asbjørg Hustveit Sølvberg og Arne M. Sølvberg for mellom anna det lange og trofaste arbeidet med folkedansopplæring lokalt i Fjelli UL. Denne prisen vert gitt til personar som har gjort ein ekstraordinær innsats på folkemusikk- og/eller folkedansfeltet.
Lenger ned på denne sida kan du sjå eit gjensyn med portrettfilmen vi laga i samband med Folkepedia-innspelinga i Stryn i 2017. Her får du eit innblikk i korleis prismottakarane har jobba med danseopplæring i Fjelli Ungdomslag.
Les meir om prisen hjå Sff her.
Vi i Noregs Ungdomslag gratulerer så mykje til alle prismottakarane våre, og takkar for det gode arbeidet dei gjer for folkemusikken og folkedansen lokalt og nasjonalt.
Her kan du sjå film av Dag Vårdal.
Her kan du sjå film av Asbjørg og Arne Sølvberg.
![](/_next/image?url=%2F_next%2Fstatic%2Fmedia%2Fstriped-tape.042e0289.png&w=3840&q=75)
Fleire aktualitetar
Sjå alle![Gjeng med glad ungdom med instrument](https://cdn.sanity.io/images/jdh5yyt4/production/3bce39e72e24c7590b323052f6c21cc848e0227b-1100x759.jpg?auto=format&crop=entropy&fit=crop&h=200&q=75&w=400)
FolkLeiarUng DANS
Søk om å bli med på FolkLeiarUng. Søknadsfristen er utvida til 30. august. Eit prosjekt for folkemusikarar og folkedansarar mellom 15-25 år.
26. august 2024
![](/_next/image?url=%2F_next%2Fstatic%2Fmedia%2Fstriped-background.166ae50f.png&w=1920&q=75)
![Fra venstre: Mette Vårdal og Iver Flyum Bjørlo](https://cdn.sanity.io/images/jdh5yyt4/production/5cbdc6140e16dc8ef54ee0826ef0abefa65d7169-1748x2048.jpg?auto=format&crop=entropy&fit=crop&h=200&q=75&w=400)
Panelsamtale om bunaden under Arendalsveka 2024
Frivilligteltet var nesten fullt torsdag 15. august under Arendalsveka. Fagfolk, politikarar og interesserte hadde samla seg for å sjå panelsamtalen om kva som skjer om den norske bunadbruken blir innskriven på UNESCO-lista. Unni Irmelin Kvam, kjent frå Bunadspodden, leia samtalen, og hadde med seg ein bukett med spanande og kunnskapsrike gjester.
23. august 2024
![](/_next/image?url=%2F_next%2Fstatic%2Fmedia%2Fstriped-background.166ae50f.png&w=1920&q=75)
![Foto av dansarar frå Nordisk folkedansmønstring på NORDLEK 2024 Foto Kulturfotografen AS Thor Hauknes](https://cdn.sanity.io/images/jdh5yyt4/production/df88384e24e071151c32703d64b79d3fd33cd36b-2500x1667.jpg?auto=format&crop=entropy&fit=crop&h=200&q=75&w=400)
Avslutningstale NORDLEK 2024
Les avslutningstalane frå Noregs Ungdomslag og Nordlek.
20. juli 2024
![](/_next/image?url=%2F_next%2Fstatic%2Fmedia%2Fstriped-background.166ae50f.png&w=1920&q=75)