Teater
Heilt frå starten har teaterverksemd hatt ein viktig plass i ungdomslaga og har det framleis i dag. Mellom 80 og 90 teatergrupper i NU har i dag teateraktivitet med øving, framsyning og kurs rundt om i landet.
Mange av lokallaga i NU har eigne ungdomshus som er ein viktig arena for teaterarbeidet. Både øvingar, framsyningar og premierefestar finn stad på ungdomshusa rundt om.
Det meste av teaterarbeidet i NU i dag finn stad i lokallaga. Det sentrale teaterarbeidet dreier seg om å skape nasjonale møtestader, tilby kurs og opplæring, samt samarbeide med andre teaterorganisasjonar nasjonalt og internasjonalt om ulike arrangement og prosjekt. I tillegg jobbar NU sentralt for å få så gode rammevilkår som mogleg for våre lag.
Teaterarbeidet i NU
NU har over 150 års erfaring med amatørteaterarbeid.
Teater i NU er viktig både som arena for kulturelle og kunstnarlege uttrykk og politiske ytringar. Låge tersklar for å kunne delta, gode moglegheiter for læring og utvikling og høge krav til kvalitet i teatertilbodet er viktige rettesnorer for teaterarbeidet. (utdrag frå fagpolitisk plattform - lenke?)
I 2019 vedtok styret ein strategi for det sentrale teaterarbeidet i NU. Saman med landsmøtevedtekne langtidsprogram (lenke?) og arbeidsprogram (lenke?) peikar desse ut kva prioritering teaterarbeidet i organisasjonen skal ha.
Kurs og opplæring
Har laget behov for å få ein instruktør til å halde kurs i skodespelarteknikk, teatersminke eller revy kan gjesteinstruktørordninga vere aktuell.
På Sommarleiren kvart år kan ungdom i alderen 13-26 år vere med på ulike teaterfaglege kurs. Dei siste åra har vi hatt kurs i korleis skrive sketsjar, musikal, skodespelarteknikk og impro, for å nemne noko. Du kan lese meir om sommarleiren her.
Vi tilbyr også nasjonale helgekurs i teater med ulike tema for ulike målgrupper.
Meir om teater
Samarbeidspartnarar
Besøk nettsiden til Det Norske Teatret
Det Norske Teatret er eit av Noregs største teatre, og speler på nynorsk. Noregs Ungdomslag er ein av dei største luteigarane, saman med ei lang rekke av lokallaga våre. Teatret har eit målpolitisk råd som skal gje råd om målbruken ved teatret og andre kulturpolitiske emne som rådet sjølv tek opp. Noregs Ungdomslag peikar ut éin av tre medlemmar i valnemnda for Det Norske Teatret.
Besøk nettsiden til Studieforbundet kultur og tradisjon
Studieforbundet kultur og tradisjon er eit studieforbund for frivillige organisasjonar som driv opplæring i folkeleg kultur som husflid, handverk, folkedans, teater, kystkultur og lokalhistorie, med meir. Noregs Ungdomslag var ein av stiftarane av studieforbundet.
Besøk nettsiden til Kulturalliansen
Kulturalliansen er ein paraplyorganisasjon for kulturfrivilligheita, og arbeider for å samle, auke og utvikle kunnskapen om det frivillige kulturlivet og formidle kunnskapen vidare. Noregs Ungdomslag var med å stifta Kulturalliansen i 2016.
Besøk nettsiden til Den mangfaldige scenen
Den mangfaldige scenen (DMS) er eit barne og ungdomsteater der unge mellom 6 og 26 år får uttrykke seg, lære og skape teater. Teatret tar utgangspunkt i den store og varierte kulturelle rikdommen som unge har med seg, og gi kvar enkelt høve til å ta i bruk og utvikle sine skapande evner i samarbeid med kunstnarar. Vi får fram nye uttrykk i møte mellom dei unge sine interesser og kulturarvar. Teatret vil vere ein plattform for framtidige kunstnarar. DMS er eigd av Noregs Ungdomslag, BUL Oslo og Det Norske Teatret.
Besøk nettsiden til Dramas
Dramas er ei teneste for amatørteatergrupper og skolar/kulturskolar i Noreg. Dei formidlar manus til lesing, behandlar søknadar om speleløyve og betaler ut royalties til dei som sit med rettane til manusa.
Besøk nettsiden til North-European Amateur Theatre Alliance
Nettverk for amatørteaterorganisasjonar i Nord-Europa.
Relevante ressursar
Økonomi
Korleis søke tilskot?
Kva bør du tenke på når du skal søke om tilskot til aktivitetar eller prosjekt i laget ditt?
- Teater
- Folkedans
- Bunad og handverk
- 28. august 2023
- 1. mars 2023
- 20 000 – 50 000
Fond for lyd og bilde
Godgjørelse til rettighetshavere for kopiering til privat bruk som skjer frå videogram og fonogram, og for å fremme produksjon og formidling av innspelingar i lyd og/eller bilete.
Å drive lokallag
Det finst ikkje noko standardoppskrift på korleis ein kan og bør drive eit ungdomslag. Det viktigaste er at medlemmane alltid har siste ordet. Det er medlemmane som gjennom årsmøtet vedtek arbeidsprogram og budsjett, godkjenner årsmeldingar og rekneskap, fastset kva politiske standpunkt ungdomslaget skal ta, og som vel kven som skal styre laget.
Lov for lokallaget
Mønsterlovene er sist revidert på landsmøtet i Noregs Ungdomslag i 2012 og 2016.
Fleire fagfelt
Folkedans
Organisasjonen arbeider fagleg og politisk for alle formene for norsk folkedans.
Levande kulturarv
Levande kulturarv eller immateriell kulturarv er tradisjonar og kunnskap som blir overført mellom generasjonar.
Bunad og handverk
Bunad og handverk er ein historisk viktig og sentral aktivitet i Noregs Ungdomslag.
Ungdomshus
Husa våre er viktige som arena for frivillig kulturarbeid og utøving av dans, teater, bunadsarbeid, og anna kulturarbeid.